ስሓ ውሽጢ Sha Wshti

ስሓ ውሽጢ ብ ኣማኑኤል ወልደሚካኤል (PhD)

ሂወትን ምንባርን ዝተፈላለዩ ነገራት እዮም። ምንባር ንኹሉ ፍጡር ዝተውሃቦ ትዕድልቲ እዩ። ምንባር ማለት ምፍጣር ማለት እዩ። ዝተፈጠረ እናስተንፈሰ ይኹን ከየስተንፈሰ ክሳብ ዘብቅዕ ይነብር። ብሂወት ምፅናሕ ወይ ምቅፃል ማለት ግን ዘድልዩኻ ባእታታት ሂወት ረኺብካ ምቕፃል ማለት እዩ። ዓለም እትጠልቦም መቐረታት ሂወት ምርካብ ማለት እዩ። ስለዚ ፍቕሪ እቲ ቐንዲ ዘድልየኒ ባእታ እዩ ኔሩ ኣይረኸብክዎን ስለዚ ሂወት ኣይነበረንን። በዚ መሰረት እዚ ኩሉ ዝንቐሳቐስ ውሽጡ ከይፈለጥካ ሂወት ኣለዎ ንምባል የፀግም እዩ።” ኢሉ፣ ንስምኦን ዓይኒ ዓይኑ ጠመቶ።
“ብኣዘራርባኻ ኩርኩር ዲዮጋን መሲልካ” በሎ ስምኦን እናስ ሓቐ።
“ንዝኾነ ነገር ብናተይ ትዕዝብቲ ትርጉም እንተሂበዮ ዲዮጋን፣ ሶቅራጠስ ወይ ኮንፋሽየስ ዘብል ኣይኮነን።” ምስ በለ፤ ስምኦን ኣብ ሞንጎ እትው ኢሉ
“እሺ ናብቲ ቐንዲ መበገሲ ነጥብኻ ንእቶ ካብኡ ኸ?” በለ።
“ካብኡማ ብራሕቒ ንኸይፍለያ ብምውሳን ንዕኣ ክስልል ወሰንኩ። ኣብ ውሽጠይ ንሳ ዘይትፈልጦ ፍቕሪ ጋህረረ፣ ሸረኸርኸ በለ። ንዓኣ ንምርካብ የዋፅእ እዩ ዝብሎ ሓሳብ ኣይነበረንን። ኣብ ውሽጢ ሽክና ርእሰይ ዝርከብ ኣካል ስራሕቱ እንታይ ምንባሩ ክር ድኣኒ ኣይክኣለን። ድሕሪ ብዙሕ መዓልታት በቲ ዝብህጎ፣ መንፈ ሰይ ዕግበት ዝስምዖ ትሕዝቶታት እናስተማቐርኩ ኣብ ዓለም በይነይ ምንባር ጀመርኩ።” ምስ በለ ስምኦን ትቕብል ኣቢሉ፥
“ነፍስኻ ንኸትሳቐ ባዕልኻ ተጠዓዕማ ኔርካ ማለት ድዩ?” * ካብ መጽሓፍ ስሓ ውሽጢ ዝተወስደ